மருத்துவ குணத்தை அளிக்கும் சமையல் பாத்திரங்கள்..!
நேற்றைய பதிவில் உணவை நஞ்சாக மாற்றும் சமையல் பாத்திரங்கள்-என்ற தலைப்பில் வேளியிட பட்ட பதிவில் கருத்துக்கள் அனைத்தும் சமையலுக்கு ஏற்ற பாத்திரங்கள் எவை என அனைவருடைய கேள்வியாக இருந்தது..இந்த பதிவு அதை சரி செய்யும் என நம்புகிறேன்.!
மண் பாத்திரம்
மண்பாத்திரங்களில் சமைக்கும்போது உணவின் மீது வெப்பம் மெதுவாக ஒரே சீராகப் பரவுகிறது. மேலும் மண்பாத்திரங்களில் உள்ள நுண்துளைகள் மூலம் நீராவியும் காற்றும் உணவில் ஊடுருவி சரியான முறையில் சமைக்க உதவுகின்றன. இதனால் அதில் சமைகும் உணவு ஆவியில் வேகவைத்த உணவைப் போன்ற தன்மையைப் பெறுகிறது. இதனால் சமைத்த உணவு பல மணி நேரம் கெடாமல் இருக்கும். மண் பாத்திரத்தில் சமைக்கும்போது அதிக எண்ணெய் பயன் படுத்தத் தேவையில்லை. உணவில் உள்ள அமிலத்தனமையைச் சமப்படுத்தும் உப்பு புளிப்பு சுவையுள்ள உணவுகளை சமைக்கும்போது தீங்கான விளைவுகல் எதையும் ஏற்படுத்தாது. மண் பாத்திரங்களை அவ்வப்போது கழுவி வெயிலில் காயவைத்துப் பயன்படுத்துவது மிகவும் அவசியம்.
இரும்புப் பாத்திரம்
பல காலமாக சமையல் பாத்திரங்கள் செய்யப் பயன்படுத்தப்பட்டு வரும் இரும்பு சமையலுக்கு ஏற்றது. இதில் சமைக்கும்போது வெப்பம் சீராகப் பரவுவதோடு நீண்ட நேரம் வெப்பத்தை தக்கவைத்துக் கொள்ளும். கொஞ்சம் இரும்பு சத்து உணவோடு கலந்து உடலில் சேரும். ரத்தசோகையைக் குணப்படுத்தும். ஆனால் துவர்ப்புச் சுவையுடைய பொருட்களை இரும்புக் கடாயில் சமைப்பதைத் தவிர்க்க வேண்டும். இரும்பு துவர்ப்பு சுவையுடன் வினை புரிந்து உணவுப்பொருள் கருப்பு நிறமாக மாறுவதுடன் சுவையும் வேறுபடும். விரைவில் கெட்டு விடவும் வாய்ப்புக்கள் அதிகம் இரும்புப் பாத்திரத்தில் சமைக்கலாமே தவிர அதில் நீண்ட நேரம் உணவை வைக்கக்கூடாது. சமைத்து முடித்தவுடன் அதை வேறு பாத்திரத்துக்கு மாற்றிவிடுவது நல்லது.
வெண்கலப் பாத்திரம்
வெண்கலப் பாத்திரத்தில் சமைத்து உண்டால் உடல் சோர்வு நீங்கி நாள் முழுவதும் புத்துணர்ச்சியாக இருப்பதை உணரலாம். இதில் சமைத்தப்பொருட்கல் சீக்கிரத்தில் கெட்டுப்போகாது. ஆனால் வெண்கலப் பாத்திரத்தை சரியாக கழுவி வெய்யிலில் காய வைத்துத்தான் பயன்படுத்த வேண்டும். இல்லையெனில் நாம் அடுத்த முறை சமைக்கும்போது களிம்புப் படலம் உண்டாகி உண்வின் தன்மையே நச்சாக மாறிவிடும். இதனால் தான் வெண்கலப்ப்பானையில் வைத்த பொங்கல் சில சமயங்களில் நிறம் மாறிவிடுவதைக் காணலாம்.
செம்புப் பாத்திரம்
செம்புப் பாத்திரத்தில் சமைத்த உணவுக்கு பித்த நோய் கண் நோய் சூதக நோய் சுவாசக் கோளாறுகள் போன்ற அனைத்தையும் குணமாக்கும் ஆற்றல் உண்டு. செம்புப் பாத்திரத்தில் தண்ணீர் வைத்திருந்தால் அதில் உள்ள நுண்ணுயிரிகள் எல்லாம் நீங்கிவிடும்.
